Neilich in da Fruah i moch mei Runde zum Kassier’n
I ziag a bissl Kokain, schiass da Oid’n in die Bir’n
dann geh I wieder ham und leg mi hi
und leg den 44er Coit neb’n mi
Steh auf am nächst’n Tog und schau die Puff’n au
I ziag a bissl Kokain und renn so schnö I kau
woar net schlecht unterwegs, owa net schnö genug
und schnölla ois I schaun kau, woar I wieder z’ruck
Woar bei an Hawara der sogt:“is kloar, dass I Di deck!“
wochst uns da Scheriff eine von da Siedlung Rennbahnweg
Er sogt:“Verstöh Di net, I waß Du bist da Tommy Lee,
Du host a Frau daschoß’n und jetzt hob I Di!“
I sog eahm:“Du host recht, I bin da Tommy Lee,
nur loss Dir dazöhn Oida, so woar die G’schicht für mi,
die Oide woar doch söwa schuid hot ka Göd mehr brocht
weus für an Ander’n g’rennt is und dann hot’s hoit krocht!“
Lang hab’ns net braucht und des Urteil woar kloar
2000 Zillionen oder 99 Joahr
3 Monat U-Hoft Josefstodt Zö’n 104
woar da g’miatliche Teil und den hob I hinter mir
Da Richter locht und nimmt an Zett’l in die Hand
Sogt:“99 Joahr bist Du ka G’foahr mehr für des Land,
die nächsten 99 Joahr in Krems Sta,
a Typ wie Du hot durt drin kane Hawara!“
Jo I bereu ollas, I bereu sosehr
kannt I die Zeit z’ruckdrah’n gangat olla sanders her
I tat’s zwoar a daschiass’n oba grobat’s nochha ei
ka Mensch tat die mehr find’n und I warat frei
Und die Moral von dera G’schicht
Ziag a biss’l Kokain und schau, dass ma die Leich’ net siecht