Scheißt’s Eich net au, des hobt’s jo bis jetzt a net tau
hobt’s jede Chance g’nutzt die’s Eich geb’n ham und habt’s mi denunziert
hobt’s mi belog’n und betrog’n, hobt’s mi verrot’n und verkauft
Ihr hobt’s echt glaubt, dass des immer weitergeht doch heit wird o’kassiert
Wenn wir uns g’seg’n ham hobt’s ma sche die Eier krault
owa kaum woar I weg hobt’s Ihr söwa dicke Eier kriagt
So hoart wie Ihr hot friha net amoi da Robert Pecl g’foult
Ihr hobt’s Eich Eich’re klanen Scheissleb’n söwa ruiniert
Weu heit is Vendetta, Ihr werd’s scho no seg’n wos davo hobt’s
Vendetta mocht’s nur afoch weiter so wenns glaubt’s
Vendetta heite kummt da Don zu Eich kassier’n
Ihr brauchts Eich net verstecken heit kumm I die Rechnung präsentier’n
Ihr ganz’n Opfer heite is Schluss
seits nur no amoi topfer für mein Bruderkuss
Wos Ihr no suacht’s, is wos I scho lang g’fund’n hob
I bin a Supertyp, erfoigreich im Beruf und zufrieden mit mein Leb’n
I brauch für des ois weder Preise no Ehre no Lob
afoch a bissl mehr Respekt hob I glaubt kenntat’s ma scho geb’n
Ihr hobt’s echt glaubt wenn’s mi lang gnua niederhauts
dass I irgendwann nimmermehr aufsteh
owa wenn’s ma heite Nocht no amoi in die Aug’n schaut’s
dann wird’s Ihr merk’n heit is Zoih’tog nix bleibt steh
Weu heit is Vendetta, Ihr werd’s scho no seg’n wos davo hobt’s
Vendetta mocht’s nur afoch weiter so wenns glaubt’s
Vendetta heite schick I meine Leit kassier’n
ganz egal wie Ihr a waant’s es wird mi nimmer interessier’n
I waaß es tuat Eich la’d – jetzt is zu spät
I siech Du waans’t – weu nix mehr geht
Da Don is do und stö’t die endgültig zur Red’